ఈ పుట అచ్చుదిద్దబడ్డది
రేకు: 0250-6 కాంబోది సం: 09-060
పల్లవి:
చేతనైనపాటి సేవ సేయుదుఁ గాక
ఆత లీతలి పనులు అవి నావశమా
చ. 1:
గచ్చుల నీ మన సిట్టె కరఁగించఁ గలఁ గాక
నచ్చు నీ చెమట మాన్ప నావశమా
పచ్చిగా నీమోవిమీఁదఁ బల్లు మోపఁగలఁ గాక
లచ్చన గుఱుతు మాన్ప లాగుల నావశమా
చ. 2:
చేరి నీసిగ్గులు దేరఁ జెయి వేయఁగలఁ గాక
నారుఁ బులకలు మాన్ప నావశమా
సారె నీ మోము నేను చక్కఁ జూడఁగలఁ గాక
యేరా నీనవ్వులు మాన్పనివి నావశమా
చ. 3:
అంటి నిన్నుఁ గాఁగిటిలో నలయించఁగలఁ గాక
నంటు నీ నిట్టూర్పు మాన్పనావశమా
జంటవై శ్రీ వెంకటేశ సరుసఁ గూడితి విట్టి
వెంట రాకు మని మాన్ప విభుఁడ నావశమా
