ఈ పుట అచ్చుదిద్దబడ్డది
రేకు: 0259-6 ఆహిరి సం: 09-054
పల్లవి:
ఏల జోలిఁ బెట్టేనే నిన్నిందాఁకాను
వోలి నీ కెదురు చూచు చున్నాఁడ నేను
చ. 1:
యేమిసేసీనె చెలి యింతి నీ వేఁగెటివేళ
యేమె నీరాక కెదు రేతెంచెనా
ఆమాటలెల్ల నీవు ఆకె కెఱిఁగించితివా
యేమని చెప్పమనెనె యెడమాట నాకు
చ. 2:
ఔనె నావుంగరము ఆకె వేల నున్నదా
మానిని నామేలు నీతో మది నెంచునా
తాను వచ్చే ననునో యీతరి నన్ను రమ్మనునో
పూని తన వ్రాలాకు పుత్తెంచెనా
చ. 3:
సతిమాఁట కింటివారు సమ్మతించి వుందురా
అతివ నీ మఱఁగున నది యెవ్వరె
యితవైన శ్రీ వెంకటేశుఁడ నైనందుకును
సతి నన్నుఁ గూడినదె సఫలము లాయ