ఈ పుట అచ్చుదిద్దబడ్డది
రేకు: 0259-4 హిందోళవసంతం సం: 09-052
పల్లవి:
ఎంచ నిన్నిటికి లోనయితిఁగా నేను
అంచెలఁ దలఁచుకొంటె నరుదయ్యీ నాకు
చ. 1:
రేసు వెన్నెల యండ కోరిచెఁగా నాతనువు
ఆసల నా ప్రాణవిభుఁ డాతనిఁ బాసి
వోసరి నిట్టూర్పుగాలి కోపెఁగా నామనసు
గాసిలి యీతని తమకపువేళను
చ. 2:
విరహానలము చొచ్చి వెళ్ళెఁగా నామనసు
సరుగనఁ బతితోను సారె నలిగి
పొరిఁ గన్నీటివఱదఁ బోక వచ్చెఁగా నాచూపు
గిరవై చింతల మునిఁగినవేళను
చ. 3:
వుమ్మల మోనానఁ బతికుండెఁగా నా నగవు
అమ్మరొ యాతఁడు మాటలాడినదాఁకా
నెమ్మిఁ బరవశములో నిలిచెఁగా నాముదము
కమ్మర శ్రీ వెంకటేశుకాఁగిట యీవేళను
