ఈ పుట అచ్చుదిద్దబడ్డది
రేకు: 0259-3 ముఖారి సం: 09-051
పల్లవి:
ఓపో ఆదేమోయి వో బావ యింక
వోపనంటేఁ బోవునటె వో వో మరఁదలా
చ. 1:
వొరసే వదేమోయి వో బావ నిన్ను
వొరసీఁ బో నీకుచాలె వో మరఁదల
వొరకు నెత్తుకు సరి వో బావ నీవె
వొర తొమ్మిది చాఁచేవో వో మరఁదలా
చ. 2:
వొగరులాడే వోయి వో బావ నీకు
వొగరు మోవిచిగురు వో మరఁదల
వొగరుఁ జిగురె చేఁగ వో బావ అదె
వొగిఁ బిసికితేఁ బసురో వో మరఁదలా
చ. 3:
వొంటి దగ్గరే వోయి వో బావ నాకు
నొంటి గాదు నీ వుండఁగ నో మరఁదల
గొంటవై శ్రీ వెంకటాద్రిఁ గూడితి బావ మన
కొంటి నేల ఆమాఁటలో వో మరఁదలా
