ఈ పుట అచ్చుదిద్దబడ్డది
రేకు: 0259-2 లలిత సం: 09-050
పల్లవి:
ఇందు కేమె అందు కేమె యింతలోనె యరవౌనా
అందపుఁ జుట్టాల మౌత అందరు నెరఁగరా
చ. 1:
వొద్దనుండవలెనా వొక్కటై తాను నేను
యిద్దరము నున్న నేల యేకమె కాదా
సుద్దముగ మోము మోముఁ జూడవలెనాయెదుట
కొద్దిచంద్రునందు రెండు గూడవా మా చూపులు
చ. 2:
మాటలాడవలెనా నామాటలుఁ దనమాటలు
గాఁటపు ఆకసమందుఁ గలసీఁ గదె
చోట నిట్టె మేను మేను సోఁకవలెనా తన్ను
నాఁటి సోఁకినట్టి గాలె నన్ను సోఁకీఁ గదవే
చ. 3:
కలయఁగవలెనా కందువ మా మనసులు
గలపిన చిత్తజుఁ డొక్కఁడె కదె
యెలమి శ్రీవెంకటేశుఁ డింతలో విచ్చేసి కూడె
పలుకుఁ బంతము నొక్కపాటాయఁ గదవే
