ఈ పుట అచ్చుదిద్దబడ్డది
రేకు: 0259-1 ముఖారి సం: 09-049
పల్లవి:
విభునికి నీమాటె విన్నివించరా
సభల దూరపుటేర్లు జలధులఁ గూడవా
చ. 1:
దవ్వులనుండితేనె దగ్గరి వుండుట గాదా
దవ్వులనుండిన తన్నుఁ దలఁచఁ గదే
దవ్వుగాదా సూర్యునికి ధరణిఁ దామరలకు
దవ్వుల పొందులె కడుఁ దగులము లాయనే
చ. 2:
ఆకడి మో మైతేనె యీకడి మో మౌత గాదా
ఆకడఁ దనదిక్కు మో మైతినేఁ గదే
ఆకసపు మొయి లేడ అడవినెమలి యాడ
దాకొని వింతగుచూపు తరితీపు దానే
చ. 3:
ఆసమాట లాడితేనె అండకు వచ్చుట గాదా
వాసి నేఁ దనకడకు వచ్చితిఁ గదే
యీసులేక శ్రీ వెంకటేశుఁ డేడ నే నేడ
వేరక కూడితిమి వింత లెల్లఁ జేరెనే