ఈ పుట అచ్చుదిద్దబడ్డది
రేకు: 0258-6 భౌళి రామక్రియ సం: 09-048
పల్లవి:
ఏమాట కేమాట యెంత కెంతరా
యీమాటె యాడవె నీ వింకా నొకమారు
చ. 1:
అంటఁగాక వున్నదాన నట్టెవుండరా
అంటెనె నీచూపులు న న్నంతక తొల్లె
అంటువాయఁ జెమట నీరాడవా నీవు చి
ట్టంటు నీచేఁతలు నామై నంటవలదా
చ. 2:
తలపట్టుతో నుందాన దగ్గరకురా నా
తలఁ పట్టె నీ మీఁదఁ దగు లాయనే
తలపోఁత పేరు నీమైఁ దలకొనదా
తలపడి మేను మేనుఁ దడఁబడవలదా
చ. 3:
కన్నుల నిద్దుర వచ్చీఁ గాఁగి లేలరానీ
కన్నుల సన్నలె కావా కందువ చెప్పె
నన్ను నిట్టె శ్రీవెంకటనాథ కూడితి
కన్నెరొ యిట్టి రతులఁ గరగించవలదా