ఈ పుట అచ్చుదిద్దబడ్డది
రేకు: 0257-5 సామంతం సం: 09-041
పల్లవి:
ఉదయించె నతఁడు నీ వుదయించ వేలయ్య
మదిరాక్షిఁ గూడి యిట్టె మన్నించవయ్యా
చ. 1:
జలజబంధుఁ డతఁడు జలజాక్షి వదనపు
జలజబాంధవుఁడవు సరుస నీవు
అలరి నాకాశమందె యతనికి విహరించఁ
గలికి నడిమియాకస మిదె నీకు
చ. 2:
చీఁకటివైరి యతఁడు చెలియమనసులోని
చీఁకటివైరివి నీవు చేచేతనే
ఆఁక జక్కవలఁ గూర్చు నతఁడు నీ వీడ నైతె
కాఁక చనుజక్క వలఁ గలపఁగ వలదా
చ. 3:
దినరా జతఁడు భూమిఁ దెరవపాలికి నీవు
దినదినరాజవు తేజమనను
ఘనుఁడ శ్రీవెంకటేశ కాంతఁ గూడితివి నేఁడు
గనియై యాతఁడు సూర్యకాంతమునఁ గూడెను
