ఈ పుట అచ్చుదిద్దబడ్డది
రేకు: 0251-3 భైరవి సం: 09-003
పల్లవి:
ఏమి సేతు నాగుణ మీపాటిది
కామించి వీవుగాఁగాఁ గైకొనేవు గాని
చ. 1:
ననుపు నటించఁగానె నంటు నీతో నైతిఁగాని
పెనఁగితేఁ గడుఁ గడు పెలుచ నేను
మనసు నమ్మించఁగానె మారుమాట లాడఁ గాని
ఘనమై మీరి వచ్చితె గబ్బిదాన నేను
చ. 2:
సలిగె చెల్లించఁగానె సరుసమాడేఁ గాని
మలసితే నంతకంటె మంకను నేను
చలివాసి నవ్వఁగానె సంతోసించుకొంటిఁ గాని
సొలసి కపటమైతె జూటుదాన నేను
చ. 3:
కైవసము గాఁగానె కరఁగి మెచ్చితిఁ గాని
మూవంకలు మెట్టితేనె మొక్కలి నేను
శ్రీవెంకటేశ నీవు చేరి కూడఁగానె కాని
సోవలుగా మొరఁగితే జూజరి నేను
