ఈ పుట అచ్చుదిద్దబడ్డది
రేకు: 0251-2 పాడి సం: 09-002
పల్లవి:
ఏమే నేవచ్చి యిప్పుడెంత దడ వాయనే
దీమసపుదానవు నేఁ దెమలించఁ గలనా
చ. 1:
నిక్కిచూచి నన్నాతఁడు నీవద్దికిఁ బెట్టిపంపె
యెక్కడ నున్నది చిత్తమే మంటివే
కక్కసించి యడిగితే కంట నీరు వెట్టేవు
యెక్కడ గెలవవచ్చు నిటువంటివారిని
చ. 2:
వాకిటఁ దా నిలుచుండి వడి నాతో సన్నసేసి
యీకడ నా కిఁక బుద్ధి యేమంటివే
పైకొని కొంగు వట్టితే బలిమి నుసు రనేవు
నీకు నీకే తెలుసునే నెరవాదితనము
చ. 3:
యిదిగో శ్రీవెంకటేశుఁ డెచ్చరింపించి నాచేత
యెదుటనె పెనగొనీ నే మనేవే
పొదిగి కలసెఁ దానె పూఁచి నీవు నవ్వేవు
ముదమునఁ బను లెల్ల ముందువెన కాయనే
