ఈ పుట అచ్చుదిద్దబడ్డది
రేకు: 0257-2 దేసాళం సం: 09-038
పల్లవి:
ఏడ కేడ యెంచి చూచి యెఱఁగవటే
కూడునా కపటములు కూటము లెందైనను
చ. 1:
మోమువంపుఁ గోప మేడ ముసిముసి నవ్వు లేడ
యేమే యెండలు వెన్నెల లెనయునటే
దోమటి వొట్లివి యాడ తొంగిచూపు లివి యాడ
సామై నల్లవేఁడియునుఁ జలువయుఁ గూడునా
చ. 2:
అంటితేఁ బెనఁగు లేడ అందులోఁ గొంకు లేడ
జంటఁ గారములు దీపఁ జవు లౌనటే
బంటు బంటు పంత మేడ బాస లెచ్బరించ నేల
వొంటిఁ జీఁకటి వెలుఁగు వుండునా యెందైనను
చ. 3:
అవ్వలయి వుండ నేల అద్దములో సన్నలేల
దవ్వులుఁ జేరువ లొక తారుకాణటే
రవ్వల శ్రీవెంకటాద్రిరమణుఁడనె నిన్ను
యివ్వలఁ గూడితి నింక నెర వౌనటే
