ఈ పుట అచ్చుదిద్దబడ్డది
రేకు: 0257-1 హిజ్జిజి సం: 09-037
పల్లవి:
జలములఁ బాసిన జలజాప్తునిచే
జలజము నొగిలిన చందంబాయ
చ. 1:
చక్కని యీపతి సతిఁ బెడఁబాసిన
వెక్కసపు మనసే వేఁడాయ
చెక్కు చేతితోఁ జింత్తించిన నది
అక్కట మదనుని యడిదంబాయ
చ. 2:
రమణి పతికడకు రాక నిలిచినా
తమి నిట్టూర్పులు దగులాయ
తమకంబున సతి దలపోయంగా
భ్రమసి చూచురెప్పలు నొప్పాయ
చ. 3:
యింతలో నిద్దరి కెడ మాటాడఁగ
అంతట వీనుల కాసాయ
యింతయు శ్రీవెంకటేశ్వరుఁ గూడఁగ
యింతేసి యిందాఁక నేమేమో ఆయ
