ఈ పుట అచ్చుదిద్దబడ్డది
రేకు: 0256-6 మధ్యమావతి సం: 09-036
పల్లవి:
ఆయము లంటే యారచికత యిది
చాయల సన్నకు చలి యిఁక నేదయ్యా
చ. 1:
మూయక మూసిన ముత్యపుమొగడలు
మోయక మోచే మొదలేదే
పూయక పూచిన పున్నమవెన్నెల
పాయక కానే బయ లేదయ్యా
చ. 2:
పుట్టక పుట్టిన పొది జక్కవలవి
మెట్టక మెట్టే మేరేదే
పెట్టక పెట్టిన పెనుమేఘమునకుఁ
బట్టన చోటను బలు వేదయ్యా
చ. 3:
పారక పారిన బలుతీఁగెలకును
ఆరితేర నిఁక నరుదేదే
యీరీతి శ్రీవెంకటేశుఁడ నే నిన్నుఁ
గోరి కూడితిని కొద యేదయ్యా
