ఈ పుట అచ్చుదిద్దబడ్డది
రేకు: 0256-5 ముఖారి సం: 09-035
పల్లవి:
ఔనో కాదో నీ వాన తీవయ్య
పని వేరొకటి యిఁకఁ బోలదయ్యా
చ. 1:
చంచలము నాచూపు చంచలము నీగుణము
యెంచె నీ వే మనేవొ యెరఁగమయ్య
ముంచి నా గుబ్బలు రాయి మొగి నీ గుండెరాయి
అంచల నాకడ నేమి యాడుకొనేవయ్యా
చ. 2:
చిగురు నా యధరము చిగురు నీ చిత్త మదె
తగెఁ దగ దందు కేమి తలవయ్య
నగవు నా మోమెల్ల నగుఁబాటు నీచింత యీ
తగవు చెలులతోడ తరిఁ జెప్పవయ్యా
చ. 3:
లేఁత నాకుఁ గొనగోరు లేఁత నీవయసు గడు
యీఁతలు మోఁతలు నిఁక నేలయ్యా
ఘాతల శ్రీవెంకటేశ కదిసి కూడితి నన్ను
యీతల నిద్దరిభావాలేక మాయనయ్యా
