ఈ పుట అచ్చుదిద్దబడ్డది
రేకు: 0256-4 సాళంగం సం: 09-034
పల్లవి:
ఇంతుల నెంత దూరునో యింత కవుడె
యింతట రావమ్మ మెచ్చు నింత కపుడె
చ. 1:
యిదె వచ్చి నదెవచ్చి నింతి యని యాసాస
నెదురుచూచుఁ బతి వింత కపుడె
వెదవీడనితురుము విడువ ముడువఁ బట్టె
హృదయ మేమౌనో పతి కింత కపుడె
చ. 2:
పొంది యెవ్వరు ముందరఁ బొలసిన నీవె యని
యందు నిన్నె పేరుకొను నింత కపుడె
ముందు నీపయ్యదకొంగు మూయాఁదియ్యనె పట్టె
యెందరి నంపునో పై పై నింత కపుడె
చ. 3:
నిన్నుఁ దలఁచి తలఁచి నిద్దిరించి కలలోన
యెన్నఁగఁ గాఁగిటఁ గడు నింత కపుడె
పన్నిన శ్రీవెంకటేశుఁ బైకొని కూడితి విట్టె
యిన్నాళ్లిటులఁ గాదు యింత కపుడె
