ఈ పుట అచ్చుదిద్దబడ్డది
రేకు: 0300-2 శ్రీరాగం సం: 09-296
పల్లవి:
మనసు మెత్తనిదాన మరిగినదాన నీకు
చనవు చేకొన్నదాన సమ్మతించవయ్యా
చ. 1:
మొక్కలానఁ గోపగించి మోము చూడకుందుఁ గాని
తక్కక నీరూపు నాతలఁపులోనెవుండు
చిక్కక ఆవేళ నీచిత్త మెట్టుండునో యని
మొక్కెద నిదివో నీకు మొగిఁజేకోవయ్యా
చ. 2:
చెప్పుడు వారి మాఁటకు చింతతోడనుందుఁగాని
యెప్పుడూ నీరాకకు నెదురు గాచుకుండుదు
కుప్పించి నాఘాత కెంతకొంకుచునుందువో నీవు
చెప్పి యందుకె సేవసేసేఁ జూడవయ్యా
చ. 3:
వచ్చిన వూఁకున నిన్ను వడిఁ దమకింతుఁగాని
యిచ్చకురాలనే నీకు నిటు నేను
అచ్చపు శ్రీవెంకటేశ అలమేలుమంగను
మచ్చికఁ గూడితి నిఁక మన్నించవయ్యా