ఈ పుట అచ్చుదిద్దబడ్డది
రేకు: 0300-1 మంగళకౌశిక సం: 09-295
పల్లవి:
ఇద్దరూ నవ్వుతా నున్నా రింతటిలోనె
యెద్దుబండికంటి సంది యేమాయనయ్య
చ. 1:
చెంగలువబంతి వేసె సేయరాని చేఁత సేసె
ముంగురులు పట్టి తీసె మొదలఁ జెలి
అంగనయింటిలో కేఁగి తటమీఁది సుద్దెరఁగ
యింగితపు మీవాదు లేమాయనయ్యా
చ. 2:
కన్నులఁ దప్పక తిట్టె గక్కన నీచేయి వట్టె
చన్నులు రొమ్మునఁ బెట్టె సాధించె నిన్ను
యెన్నికఁ దెరవేసితి వేమిసేసితో యెరఁగ
యిన్నేసి మీ పంతములు యేమాయనయ్యా
చ. 3:
కప్పురము నోటికిచ్చె కాఁగిలించి నిన్నుమెచ్చె
అప్పుడె శ్రీవెంకటేశ అలమేల్‌‌మంగ
దప్పిదేరితి వాపెతో తగ నన్ను మన్నించితి
యిప్పుడు మీ యెన్నికలు యేమాయనయ్యా
