ఈ పుట అచ్చుదిద్దబడ్డది
రేకు: 0299-6 పాడి సం: 09-294
పల్లవి:
వేసరివున్నారు తొల్లె వెలఁదులిందరు నీతో
వీసమంతపనికైనా వీఁగింతురు సుమ్మీ
చ. 1:
నీవు మోహించినసతి నిన్నేమనినాఁ జెల్లు
ఆవటించి నీ వాపె నేమనినాఁ జెల్లు
పూవుఁగాక పిందెఁగాక పోదిఁ బెట్టుకున్నవారి
దీవెనమాటలాడినాఁ దిట్టుదురు సుమ్మీ
చ. 2:
చనవుగలుగుయింతి జంకించ నిన్నుఁదగు
చెనకి నీవాపె నేమిసేసినాఁ దగు
ననిచియు ననచక నవ్వుకె లోనైనవారిఁ
దనువులు నిమిరినాఁ దట్టింతురు సుమ్మీ
చ. 3:
పట్టపు అలమేల్‌మంగ పై కొంటివి నీమెచ్చు
గుట్టు శ్రీవెంకటేశ నీకూటమి మెచ్చు
ఱట్టుగా నాపెచేత నాఱడిఁబడ్డయట్టివారిఁ
బట్టి బలిమిఁ గూడితి పంగింతురు సుమ్మీ
