ఈ పుట అచ్చుదిద్దబడ్డది
రేకు: 0299-3 రామక్రియ సం: 09-291
పల్లవి:
దూరుదురు మమ్మును బుద్దులు చెప్పరంటాను
యీరీతి నింతలోనె యిటువలెఁ జూతురా
చ. 1:
చిత్తములో చింతలేలె సిగ్గులు వడఁగనేలె
కొత్తపండ్లికూఁతురవాకొమ్మ నీవు
చిత్తిణిగుణమాతఁడు సెలవుల నవ్వుతోడ
పొత్తుకుఁ బిలువఁగాను బొమ్మల జంకింతురా
చ. 2:
కన్నుల మొరఁగులేలె కడు నివ్వెరగులేలె
కన్నెపడుచవాయేమె కలికి నీవు
వెన్నవంటివాఁ డతఁడు వేడుకఁ గొంగు వట్టఁగా
సన్నలతిట్లతోడ చలము సాధింతురా
చ. 3:
వుసురన నిఁకనేలె వొగిఁ దలవంచనేలె
పసిబాలవాయేమె పడఁతి నేఁడు
అసుదు శ్రీవెంకటేశుఁ డలమేల్ మంగ నీవు
పొసఁగ నాతఁడు గూడి పూఁచి కొసరుదురా