ఈ పుట అచ్చుదిద్దబడ్డది
రేకు: 0299-1 ముఖారి సం: 09-289
పల్లవి:
చదురాల నేను జాణఁడవు నీవు
తుది మొదల లెంచితేను దొమ్మిగాదా
చ. 1:
మనసు నెరుఁగుదు మర్మము నెరుఁగుదును
ననుఁజూచి నీవింత నవ్వవలెనా
పనులెల్లాఁ దక్కెను పంతము తుద కెక్కెను
పెనఁగఁబోతే నింక పిప్పి గాదా
చ. 2:
పలుకఁగ నేరుతును భ్రమయించ నేరుతును
యెలమి నాతో నింత యెమ్మెవలెనా
తలఁపు లీడెరెను తమకము దైవారెను
చలపట్టితే నింక చప్పఁ గాదా
చ. 3:
పట్టెమంచ మెక్కితిని బలువావి చేకొంటిని
మెట్టుక నాతో నింత మెచ్చవలెనా
అట్టె శ్రీవెంకటేశుఁ డలమేలుమంగ నేను
గుట్టుతో నుండితే నింక కొసరుగాదా
