ఈ పుట అచ్చుదిద్దబడ్డది
రేకు: 0255-4 వరాళి సం: 09-028
పల్లవి:
ఏల నన్ను నేర మెంచే వింత కున్నదా
చాలు నో విభుఁడ నీతోఁ జలము నా కున్నదా
చ. 1:
గద్దరి నామొకము నాకన్నులకె పాటి గాక
సుద్దుల నీచూపు చల్లఁ జో టున్నదా
బద్దమై నావదనము పాటలకె కొద్దిగాక
యిద్దివో నాతో మాట కెడ మున్నదా
చ. 2:
కొనబు నాచేతులు నాకొప్పు వెట్టనె కాక
వొనరి నీకైదండ కోపి కున్నదా
పెనఁగు నాపాదములు పిరుఁదు మోవనె కాక
ననిచి నీవొద్దికి రా నడ పున్నదా
చ. 3:
సరి నావురము నాకుచాలకె తావు గాక
సరవి నీకాఁగిటికి సందున్నదా
కరఁగి కూడితి శ్రీవెంకటపతినె నిన్ను
యిరవైన నీకు నాకు నెర వున్నదా