ఈ పుట అచ్చుదిద్దబడ్డది
రేకు: 0298-4 హిందోళవసంతం సం: 09-286
పల్లవి:
ఆతఁడు సేసేచేఁత కవిసరిదాఁకితేను
యీతల నే నిందరిలో నిది వెంగెమాడుటా
చ. 1:
దగ్గరి యాతనెదుట తలచిక్కు దీసుకొంటే
వెగ్గళించి నేఁ బతిని వెంగెమాడుటా
సిగ్గుతోడ సురటిని చెమట విసరుకొంటే
అగ్గలముగా నప్పటి నది వెంగెమాడుటా
చ. 2:
తఱి నితనియెదుట తమ్ముల ముమిసితేను
వెఱవక నే నిప్పుడు వెంగెమాడుటా
నెఱవుగ నామేని నీడలు చూచుకొంటే
అఱిముఱిఁ దనుఁ జూచి అది వెంగమాడుటా
చ. 3:
చిలుకనుఁ బేరుకొని శ్రీరామ రామ యంటే
వెలయఁగ నే నింతలో వెంగెమాడుటా
యెలమి శ్రీవెంకటేశుఁ డిందులకె నన్నుఁ గూడె
అలమి మోముచూచితే నది వెంగెమాడుటా
