ఈ పుట అచ్చుదిద్దబడ్డది
రేకు: 0297-3 లలిత సం: 09-279
పల్లవి:
రంతుశాయ కిఁకరావయ్య
కొంత గొంత యిటుగూచుండవయ్యా
చ. 1:
ముచ్చటదీరక మోము చూచితే
అచ్చట లోఁగే వదేమయ్యా
చెచ్చెర నీమీఁదఁ జేయని కోపము
కొచ్చెటు గడించుకోనేలయ్యా
చ. 2:
చనవున నేఁ జేయి చాఁచిన యపుడే
అనయముఁ బెనఁగే వదేమయ్యా
తనియుచు నాలోఁ దలఁచని తలఁపులు
నినుపున నూహించ నీ కేలయ్యా
చ. 3:
తమకంబున నే దగ్గరి కొసరఁగ
భ్రమసిన మాఁటల పనేలయ్యా
అమరఁగ శ్రీవెంకటాధిప కూడితి
చెమరించితివిఁక చింతేలయ్యా