ఈ పుట అచ్చుదిద్దబడ్డది
రేకు: 0297-2 బౌళి సం: 09-278
పల్లవి:
విన్నమాట యిదెసుమ్మీ వెల్లవిరిగా నేము
నిన్నటి మొన్నటి సుద్దినె మరియెరఁగము
చ. 1:
శిరసునెరులు నీవు చిక్కు దియ్యఁగా విభుఁడు
కరఁగి నీమోము చూచి క గ్గీరుపఁగా
తెరవేసిరి చెలులు దిష్టముగా నంతలోనె
సరసపు మీసుద్దు లచ్చట మే మెరఁగము
చ. 2:
మేనిగందమటు నీవు మెల్లనె నలఁచగాను
మోనాన నాతఁడు నీకు మోవియియ్యఁగా
పూని వూడిగేలవారు పొంచి వాకిటనుండిరి
మేనులుసోఁకినరతి మీఁద నే మెరఁగము
చ. 3:
పమ్మినచెమట నీవు పయ్యెదఁ దుడువఁగాను
కమ్మి శ్రీవెంకటేశుఁడు కాఁగిలించఁగా
చిమ్ములఁ గొలువువారు సిగ్గున లోనికేఁగిరి
దొమ్మిగా నేఁ గూడితి మీతుద నే మెరఁగము
