ఈ పుట అచ్చుదిద్దబడ్డది
రేకు: 0296-6 కేదారగౌళ సం: 09-276
పల్లవి:
తలఁచిన తలఁపులు దలకూడె
వెలుపలె లోపల వెర గిఁకనేలే
చ. 1:
వలచిన వలపులు వడ్డికిఁ బారీ
తలుపు దెరవవే తరుణి యిఁక
పిలువక వచ్చెను ప్రియుఁడు వాకిటికి
నిలువుల బిగువులు నీ కిఁకనేలే
చ. 2:
ముసి ముసి నగవులు మోవులనుండఁగ
ముసుగిడనేలే ముదిత యిఁక
రసములు గురిసీ రమణుఁడు నీతో
దొసఁగుల సుద్దులు తుద నిఁకనేలే
చ. 3:
కరఁగిన చెమటలు కాఁగిట నున్నవి
నిరతి మరఁగేలే నెలత యిఁక
యిరవుగ శ్రీవెంకటేశుఁడు గూడెను
ధర లోఁగొంటివి తడఁబాటేలే
