ఈ పుట అచ్చుదిద్దబడ్డది
రేకు: 0296-5 శ్రీరాగం సం: 09-275
పల్లవి:
తనకె విన్నవించరె తరవాతి పనులెల్లా
చనవు లిచ్చినవాఁడు చక్కఁ బెట్టనేరఁడా
చ. 1:
పొసఁగని సవతులపోరు మాకు నేఁటికె
కొసరుల కెల్లాఁ దానె గురిగాకా
యెసఁగ రమణులను యేలేవాఁడు రమణుఁడే
దొసఁగువారికి బుద్దులు చెప్పనేరఁడా
చ. 2:
వాడవనితలతోడి వంతులు మాకేఁటికె
యీడు వెట్టుకొని దూరే దితనిఁగాకా
జాడతో నడుపేవాఁడు సతులకు నాయకుఁడే
పాడిపంతము యేరుపరచఁ దా నేరఁడా
చ. 3:
కన్నవారితోడ మాకు కాఁతాళించ నేఁటికె
యిన్నినడప శ్రీవెంకటేశుఁడెకాకా
మన్నించి నన్నుఁ గలసె మరి వారికి నాతఁడె
కన్నెల నందరిని వొక్కటి సేయనేరఁడా