ఈ పుట అచ్చుదిద్దబడ్డది
రేకు: 0296-4 సౌరాష్ట్రం సం: 09-274
పల్లవి:
ఇంటిలోనున్నదానను యెప్పుడూఁ దనసామ్మె
వెంటవచ్చినవారితో వేగఁ గూడుమనవే
చ. 1:
పలుకనివారి నేలపలికించీనె తాను
చలములు మాతోనె సాదించీనా
వలచివచ్చినవారు వాకిటఁ గాచుకున్నారు
అలరి ముచ్చట లందె యాడుమనవే
చ. 2:
దగ్గరనివారి నేల దండకుఁ దీసీనె తాను
నిగ్గుల మాతోనె యివి నేర్చుకొనీనా
సిగ్గువడనివా రదె చేసూటినెవున్నవారు
కగ్గులేక గొబ్బుననుఁ గాఁగిలించుమనవే
చ. 3:
నగనివారి నదేల నగుమనీనె తాను
పగటులు మాతోనె పచరించీనా
జిగి నన్నుఁ గలసెను శ్రీవెంకటేశుఁడు తాను
మొగముచూచేవారిని మొరఁగు కొమ్మనవే
