ఈ పుట అచ్చుదిద్దబడ్డది
రేకు: 0296-1 కొండమలహరి సం: 09-271
పల్లవి:
ఏమిసేతు నీ సుద్దుల కేమందును
దోమటిఁ గొంగువట్టఁగ తొలఁగి పోరాదు
చ. 1:
అత్తల నిత్తల నీకు ఆపె నేను నుండఁగాను
పొత్తుల నవ్వునవ్వేవు పోపో నీవు
చిత్తజమదమెకాని సిగ్గువడే దెరఁగవు
కొత్తలుగా నీతో నేము కోపగించరాదు
చ. 2:
తప్పక యిద్దరము పాదాలు నీకు నొత్తఁగాను
చెప్పరాని మాటాడేవు చీచీ నీవు
కుప్పళించెజవ్వనాన కొంకుగొస రెరఁగవు
యిప్పుడు నీతో మాకు నెదురాడరాదు
చ. 3:
యిరు దెస నీతో నేము యేకతములాడఁగాను
తొరలఁ గాగలించేవు తో తో నీవు
కెరలి శ్రీవెంకటేశ కిందుమీఁదు నెరఁగవు
పరగ నీరతుల నే పచ్చిసేయరాదు
