ఈ పుట అచ్చుదిద్దబడ్డది
రేకు: 0255-2 సామంతం సం: 09-026
పల్లవి:
వెఱపించఁ బోయి మరి వెఱచినట్టయ్యీఁ జుమ్మీ
నెఱి నాతోడి యలుక నీతిగాదు సుమ్మీ
చ. 1:
మోనముతో నుండే వేమె ముదిత నీమాట లెల్ల
నాని నాని మొలచీఁ గనక లోలోనె
ఆనకమై నవ్వ వేమె అంగన నీనగవులు
వూని నీకుత్తికెలోన వుక్కిపోవుఁ జుమ్మీ
చ. 2:
ధీరతఁ జూడ వదేమె తెరవ నీకనుచూపు
కేరి యిమ్ముచాలక కిక్కిరిసీఁ జుమ్మీ
మారుమోమయ్యే వదేమె మగువ నీమోము కళలు
పేరడై వొక్కచోటనె పెంటలయ్యీఁ జుమ్మీ
చ. 3:
వుసురనే వప్పుడేమె వువిద నాకాఁగిటిలో
వుసురు నీచనుఁగొండ లోడీఁ జుమ్మీ
నసల శ్రీ వెంకటేశుఁడ నారతిమై మఱచేవు
కనుగాటై నీమోవి గంటివడుఁ జుమ్మీ