ఈ పుట అచ్చుదిద్దబడ్డది
రేకు: 0295-4 ఆహిరి సం: 09-268
పల్లవి:
నీతోడివారమా నిను దూరేమా నీ
చేతిలోనివారము నీచిత్తము నాభాగ్యము
చ. 1:
బీరమాడి బెళకేవు పెనఁగి తలవంచేవు
ఔరా నీపొందు లెందుకై నావచ్చును
మారుమలనే వప్పటి మరి రండూ నడుపేవు
నేరుతు వన్నిపనులు నేనెఱఁగఁగాని
చ. 2:
అడిగి పెచ్చువెరిగే వానించి పంత మాడేవు
యెడరు నీసుద్దు లేమ నెంచవచ్చును
బడి బడి నిలిచేవు పట్టేవు కోకకొంగులు
గడుస వన్నిటా నీవు కడుముద్దరాలను
చ. 3:
బోదించి చిగిరించేవు పూఁచి కడలుదొక్కేవు
ఆదిగొని నిన్నెట్టు గాదనవచ్చును
యీదెస శ్రీవెంకటేశ యిట్టె నన్నుఁ గూడితివి
పాదగు జూణవు నే నీ పలుకులోదానను
