ఈ పుట అచ్చుదిద్దబడ్డది
రేకు: 0294-2 భైరవి సం: 09-260
పల్లవి:
మామాటవినవెకొంత మన్నించి నీవు
నీమనసు కోరికల నేరుపులలోనా
చ. 1:
మొక్కకువె నిన్నతఁడు మొగము చూచినదాఁక
గుక్కుచు నింతుల పెద్దకొలువులోన
పెక్కుమాట లాడకువె పేరఁ బిలిచినదాఁక
అక్కరైన సరసపుటాసలలోన
చ. 2:
కేరి నవ్వకువె తానె కేలు పయిచాఁచినదాఁక
సారమైన వలపుల సందడిలోన
ఆరసి చూడకువె నిన్నాయము లంటినదాఁక
బీరపు తమకముల పెనఁగులలోన
చ. 3:
కొసరకువె యాతఁడు గొబ్బునఁ గూడినదాఁక
ముసగసల యాకతముల మీలోన
యెసగి శ్రీవెంకటేశుఁడ డిదివో నిన్నుఁ గలసె
ఆసురుసురుగాకు నెయ్యములలోన