ఈ పుట అచ్చుదిద్దబడ్డది
రేకు: 0294-1 కన్నడగౌళ సం: 09-259
పల్లవి:
ప్రియములెల్లా నీవి బిగువు నాది
దయలేనిదాన యేలో తగిలేవొ కాని
చ. 1:
చెక్కులు నీవు నొక్కఁగ సిగ్గువడ్డదాన నేను
యెక్కడికెక్కిన మాట లేమాడేవు
మొక్కులు నీవు మొక్కఁగ మోనాననుందాననేను
చొక్కుల నీ కేనాటి చుట్టమునొ నేను
చ. 2:
సరసము నీవాడఁగ జంకించినదాన నేను
యెరవులపొందు నాతో నే సేసేవు
సిర నీవు ముట్టఁగ చెనకకుందాన నేను
సరిగా నీ కెటువలెఁ జవులైతి నేను
చ. 3:
నీవు గాఁగిలించుకోఁగ నివ్వెరగందితి నేను
చేవదేరెఁ బను లెంత సేసేవు నీవు
శ్రీవెంకటేశ్వర నన్నుఁ జేకొని కూడితి విట్టె
సేవగా నిచ్చక మెంతసేసితినొ నేను