ఈ పుట అచ్చుదిద్దబడ్డది
రేకు: 0293-2 ముఖారి సం: 09-254
పల్లవి:
నలుగడ నిందరు నవ్వేరు
పెలుచై తానేల బెదరీనే
చ. 1:
నెయ్యపు మాటలు నీతోఁ జెప్పఁగ
వొయ్యనె తానేల వొరసీనే
అయ్యెడ నిజమరి అట్టెవుండక
కయ్యానఁ దానేల కలఁగీనే
చ. 2:
తగవుకు నే నినుఁ దప్పక చూచిన
అగడుగఁ దానేల అడిగీనే
మొగమోటకాఁడు మోనాన నుండక
బెగడి ఆనేఁటికిఁ బెట్టెనే
చ. 3:
లోఁగుచు నే నిను లోనికిఁ బిలువఁగ
కాఁగిట తానేల కదిమీనే
వీఁగక కూడె శ్రీవెంకటేశ్వరుఁడు
పాఁగి తానేఁటికి భ్రమసీనే
