ఈ పుట అచ్చుదిద్దబడ్డది
రేకు: 0292-3 గౌళ సం: 09-249
పల్లవి:
పచ్చిదేరెఁ బనులు పమ్ముఁ జూపు మొనలు
హెచ్చె నిదె నామాట లియ్యకొనరాదా
చ. 1:
చెక్కుల నీ మెరుఁగు చిత్తజుని కరఁగు
యెక్కువ సిగ్గులఁ దల యేలవంచేవే
తక్కులేలె యింకను తగులాయ బొంకను
చక్కని నీ కెమ్మోవి చవిచూపరాదా
చ. 2:
మొలక నీ నగవు మోహముల తగవు
చెలఁగి నీ వది యేల చేతఁ గప్పేవే
పిలువవే యింటికి ప్రియమాయఁ గంటికి
తలఁచుక నీమాటకు దయఁజూడరాదా
చ. 3:
జంటల నీ చన్నులు జవ్వనపు టెన్నులు
అంటఁగాఁ బయ్యద నేల అట్టె మూసేవే
వెంటనే కూడితివి శ్రీవెంకటేశుఁడను నేను
పెంటలుగ నిట్లానె పెనఁగఁగరాదా
