ఈ పుట అచ్చుదిద్దబడ్డది
రేకు: 0290-5 సామంతం సం: 09-239
పల్లవి:
నీ వెఱఁగవా నిండుఁ దగవు లివి
కావరంపుఁ బని కాంతకుఁ దగునా
చ. 1:
నిగ్గుల పతి వట నెలఁతను నే నట
సిగ్గువడక నినుఁ జెనకుదునా
యెగ్గులు వట్టితి వెదురురాననుచు
బగ్గన నాఁటది బలిమిసేయునా
చ. 2:
చదురుల దొర వట జవ్వని నే నట
అదనెఱఁగక నిను నలముదునా
కదిమి కొసరితివి గర్వినైతి నని
గుదిగొని కామిని గొరబుసేతునా
చ. 3:
శ్రీవెంకటేశ్వర శ్రీసతి నేనట
సోవగా నవ్వక సొలయుదునా
యీవలఁ గూడితి వియ్యకొంటి నని
కైవసమగు సతి కాదనునా
