ఈ పుట అచ్చుదిద్దబడ్డది
రేకు: 0290-4 రామక్రియ సం: 09-238
పల్లవి:
ఎంతటి వేగిరకాఁడు యేమే తాను
చెంతల నిలుచుంటే నే చెరఁగువట్టీనా
చ. 1:
కోపగించ వద్దు గాక కొసరవద్దంటీనా
తీపులువెట్టుక యాలో తిట్టీఁగాకా
యీపనికి నే నవ్వి యిందరివలెనె కొంత
చూపులు పై మోపితేనె సుంకము గొనీనా
చ. 2:
బీర మాడవద్దు గాక పెనఁగవద్దంటినా
కేరడాన నేఁటీకో జంకించీఁ గాక
గోరగీరీని చెమటకుమ్మరించఁ జోటులేక
జోరునఁ బైఁ జిమ్మితేనె సూళ్లువట్టీనా
చ. 3:
కాఁక రేఁచవద్దు గాక కలయవద్దంటినా
వేఁకపుఁదావులు యాలో వేసీఁ గాక
యేఁకటతో శ్రీవెకంటేశుఁడె తా నన్నుఁ గూడె
సోఁకె చన్ను మొనలకు జోడుదొడిగీనా
