ఈ పుట అచ్చుదిద్దబడ్డది
రేకు: 0290-3 ముఖారి సం: 09-237
పల్లవి:
కదిసితి రిద్దరూను కడమ లేలా
పొదిగి చెలులుచెప్పే బుద్దులెల్లా వినవే
చ. 1:
వద్దేలెకోపము వలవని తాపము
సుద్దులు విన్నందుకె సూడువట్టేవా
చద్దులాయను వొట్లు చలము సాధించనేల
గద్దించినందు కతనిఁ గాఁగిలించుకొనవే
చ. 2:
యేమిటికే బిగువు యింకానా తగవు
మోము చూచి నవ్వితేనె మోపుగట్టేవా
నాములెక్కెఁ బంతములు నాలిసేయ నిఁకనేల
కై మీరినందు కతనిఁ గాఁగిలించుకొనవే
చ. 3:
అలయకువే నీవు అప్పటి సొలయకువే
తలఁపులో రతులు పాఁతరఁ బెట్టేవా
యెలమి శ్రీవెంకటేశుఁ డింపు సేసి నిన్నుఁ గూడె
కలఁక లన్నియుఁ బాసె కాఁగిలించుకొనవే
