ఈ పుట అచ్చుదిద్దబడ్డది
రేకు: 0288-1 సామంతం సం: 09-223
పల్లవి:
అప్పటినన్నె కొసరీ నదివో ఆపె
నెప్పున నన్నిపనులు నీకె తెలును
చ. 1:
తెగరానిచోట వాదుదీసి యెంతమాటాడిన
పగలేదు చనవుల బలిమె కాని
మగవాఁడ వందుమీఁద మట్టు పడనోపుదువు
తగవులు మమ్మేల యిత్తరి నడిగేవు
చ. 2:
వలచినవారు పై పై వాసులెంత నెరపిన
చలములుగావు రతిచవులె కాని
బలువుఁడ వందు మీఁద పనిగొన నోపుదువు
చలివాసి మమ్మేల సాకిరివెట్టేవు
చ. 3:
ఆరితేరిన దంపతు లాయము లెం తంటినాను
నేరుపులేకాని అందు నెగులులేదు
కూరిమి శ్రీవెంకటేశ కూడితి వందుమీఁదను
నారుకొన మాతో నేల నవ్వులు నవ్వేవు