ఈ పుట అచ్చుదిద్దబడ్డది
రేకు: 0287-6 పాడి సం: 09-222
పల్లవి:
ఇంతిమాటలకు నేల యెగ్గు పట్టేవు
చెంతల నాపె చనవు చెల్లించరాదా
చ. 1:
అగపడి లోనైతె అన్ని నవ్వులె కాక
యెగసక్కే లాడే నంటే యెంతలేదు
చిగిరించినట్టి వేళ జిగిఁ బండినట్టి వేళ
వొగరుఁ దీపునుఁ దోఁచు నొక్కటందే కాదా
చ. 2:
సరిఁ జుట్టరికానకు సరసాలె అన్నియును
యెరవులు సేసుకొంటే నెంతలేదు
తొరలఁ గాఁచినప్పుడు తోడంటు వెట్టినప్పుడు
పెరుగుఁ బాలును నొక్క పేరుపునే కాదా
చ. 3:
కొయ్యవై శ్రీవెంకటేశ కూడుకొంటి వాపె నిట్టె
యియ్యకోలు సేసుకొంటే నెంతలేదు
చయ్యన దంచినచోట చవిగా వండినచోట
బియ్యము వంటకమై బెరసేదే కాదా