ఈ పుట అచ్చుదిద్దబడ్డది
రేకు: 0287-4 భైరవి సం: 09-220
పల్లవి:
ఆఁటదానికి పతితో నంతచెల్లునా
చీటికి మాటికి యంతసేసేవె నీవు
చ. 1:
పట్టినదె చల మని పంతములె నెరుపేవు
అట్టె యాతని ప్రియము లంగవించవు
చిట్టకాలు వద్దనిన చెలుల మాటలు చెవిఁ
బెట్టవు నీకుఁ దగిన బీరములె కాని
చ. 2:
ఆడినదె మాటసేసి యట్టె నిలువఁ బెట్టేవు
జోడుగా నాతని మాట చొరనియ్యవు
తోడనె నే మిద్దరి చేతులుఁ బట్టికూరిచిన
కూడియుఁ గూడవు నీ గుణములె కాని
చ. 3:
మొదలివొట్టుకు నీ మొనలు చూపేవు గాని
అదనైన మీఁద నింక నటు మెచ్చవు
యిదివో శ్రీ వెంకటేశుఁ డిదె నన్నుఁ గూడినాఁడు
చదురు లింకా నీవు సాదించేవు గాని