ఈ పుట అచ్చుదిద్దబడ్డది
రేకు: 0287-2 దేసాళం సం: 09-218
పల్లవి:
అప్పటి నమ్మఁడు తన్ను నటు వెంగి లాడే నంటా
యిప్పుడూ నానవెట్టెను యింకనేలె నవ్వులు
చ. 1:
బాగాలు వెట్టరె పైకొని విభునికి
వాగమై యింతుల కెల్లా వలపు మని
యీగతి మూసి మంతనా లిన్నాళ్లుఁ దనకు
వేగమె యప్పణిచ్చితి వెరుపేలె యిఁకను
చ. 2:
వుపమ లెత్తియ్యరె వొకటొకటె పతికి
నెపాన సతులఁ బొంద నేరువు మని
కపటాన దాఁ గొంత కనియుఁ గానము లేల
యెపుడూఁ దనకు లోనె యిఁక నేలె కొంకను
చ. 3;
చేయెత్తి మీరు మొక్కరె శ్రీవెంకటేశ్వరునికి
పాయపువారి మనసు పట్టుమని
యీయెడఁదా నన్నుఁగూడె యిచ్చకము సేసుకొని
నాయము నేనె చెప్పేను ననుపాయ నిఁకను
