ఈ పుట అచ్చుదిద్దబడ్డది
రేకు: 0286-6 మంగళకౌశిక సం: 09-216
పల్లవి:
సవతుల కెల్ల నీవు చాటి చెప్పింతువు గాక
నవకాన మూలనుంటె నమ్మేరా దేవులని
చ. 1:
ఆతనివద్ద నుంటె నీ వాల వని యందుఁ గాక
యీతల నీ వెట్టుండినా నెవ్వ రందుము
యేతులకు నీవు మాతో నెరుకలు సేసుకొని
బూతులఁ దిట్టితేనె నీ పొందు గానవచ్చునా
చ. 2:
ముచ్చట మీరాడుకొంటే మోహాలు గందుము గాక
పచ్చి గుట్టున నుంటె నీ భావ మెందుండు
మచ్చిక నీ చనవులు మా ముందర మెరయించి
కొచ్చి యాతనిఁ జూచితే గుట్టు గానవచ్చునా
చ. 3:
కాఁగిట శ్రీవెంకటేశుఁ గాఁగిలించుకొంటెఁ గాక
ఆఁగి నీవూర కుండితే నందములౌనా
చేఁగదేర నన్నుఁ గూడె చేరి యాతఁడని నీవె
రాఁగి నీలోనె నవ్వితే రచ్చలకు నెక్కునా