ఈ పుట అచ్చుదిద్దబడ్డది
రేకు: 0286-3 దేశా(సా)క్షి సం: 09-213
పల్లవి:
తా నదివో నే నిదివో తారుకాణ లైతిమి
మోనముతోడ నవ్వరే మోవులనవ్వూ
చ. 1:
ఆడ నీడ నుండి వచ్చీ అలసి సొలసి మెచ్చీ
వేడుకకాని కియ్యవే విడె మిదిగో
నీడనుండె అలసీని నిలుచుండె కలసీని
పాడితోడనె మొక్కరే పండుగమొక్కు
చ. 2:
చేయఁగలవెల్లాఁ జేసీ చేరి నాపైఁ జెయి వేసీ
పాయపు వాని కియ్యరే బలు కట్నాలు
చాయలకె మాటలాడి సన్నలకె పాట పాడీ
దాయముగాఁ జూడరే సంతసపుఁ జూపు
చ. 3:
కాంతలలోన వెలసీ కాఁగిట నన్నుఁ గలసీ
పంతగాని పై జల్లరే బలు సేసలు
యింతలో శ్రీవెంకటేశుఁ డితఁడిదె నన్నుఁ గూడె
వింతగా విందు చెప్పరే వియ్యపు విందు
