ఈ పుట అచ్చుదిద్దబడ్డది
రేకు: 0286-1 శ్రీరాగం సం: 09-211
పల్లవి:
వలపులా గటువంటిదివో
పిలిచేటి ప్రియమున బీరము మఱచె
చ. 1:
వెలఁది నిన్నుఁ గని వేడుకతోడను
అలుక లన్నియును నటు మఱచె
నలుగడ నీతో నవ్వెటి సందడి
చలములు లోలో సాదించ మఱచె
చ. 2:
యింతి విడె మిదె యిచ్చె పరాకున
పంతపు టొట్లపని మఱచె
చెంతల నినుఁ గడు చెనకే సొబగున
కొంతయినఁ దొల్లిటి కోపము మఱచె
చ. 3:
కొమ్మ కాఁగిటను కూడే తమకమున
సమ్మతి జంకించఁగ మఱచె
యిమ్ముల శ్రీవెంకటేశ కలసితివి
చిమ్ముల యెరవులు సేయఁగ మఱచె
