ఈ పుట అచ్చుదిద్దబడ్డది
రేకు: 0285-6 మాళవి గౌళ సం: 09-210
పల్లవి:
ఈతఁడు వద్దనుండఁగ యేల యెమ్మెలు చెప్పేరే
గాతల మగలవద్ద గర్వములు గలవా
చ. 1:
చెంగట మామొగమున చేరఁడేసి కన్నులంటా
అంగన లందరు నన్ను నాడుకొనేరే
పంగించి మానెరులివి బారెఁడేసి ఆయనంటా
వుంగిటిగా సారె నేల వుప్పతించేరే
చ. 2:
పంతాన నాకుచములు బంగారుకుండలంటా
బంతినుండి చెలులేల పచ్చారేరే
యింతలో నాపిరుఁదులు యిసుక దిబ్బెములంటా
రంతులుగాఁ గడు నేల రాఁపు సేసేరే
చ. 3:
పొంచి నా రూపమిది పుత్తడిఁ బోలునంటా
యెంచి యెంచి మమ్మునేల యింతసేసేరే
అంచల శ్రీవెంకటేశుఁ డన్నిటా నన్నుఁ గలసె
మించుగాఁగ మమ్ము నేల మెరయించేరే
