ఈ పుట అచ్చుదిద్దబడ్డది
రేకు: 0254-2 ముఖారి సం: 09-020
పల్లవి:
కూడని దొకటొకటి కోరీ మరుబలము
ఆడనె నీసతి కన్నియుఁ గూడె
చ. 1:
పొంగెటిమనసే వెలిపులక మొలకలు
అంగపుఁ జెమట మోహపుఁ గరఁగు
వెంగలితమకములు విసరెటి వూర్పులు
అంగన కిదివో అన్నియునుఁ గూడె
చ. 2:
యెనసిన యాసలె యెదురుల చూపులు
అనుగుఁ గూరిములె ఆలకింపులు
నినుపు మోమోటములె నిండిన నివ్వెరగులు
అనయము సతి కిప్పు డన్నియునుఁ గూడె
చ. 3:
కాఁగిటిపరవశాలు కన్నులతేలింపులు
చేఁగల సిగ్గులె చిరునవ్వులూ
యీగతి శ్రీ వెంకటేశ యింతలో విచ్చేసి చెలి
నాఁగి కూడఁగా నివి యన్నియునుఁ గూడె
