ఈ పుట అచ్చుదిద్దబడ్డది
రేకు: 0285-4 శ్రీరాగం సం: 09-208
పల్లవి:
ముట్టితేనె ముయిముచ్చటలూ
ఱట్టు సేయ నాఱడిదాననా
చ. 1:
గక్కన నీతనిఁ గన్నులఁ జూచిన
పిక్కటిల్లె నిదె పెంజెమట
చెక్కడచితేను చేటఁడు వలపులు
వొక్కమాటె నే నోపుదునా
చ. 2:
నవ్వి యితనితో ననుపులు సేసిన
పువ్వకపూచెను పులక లివి
రవ్వగాఁ బెనఁగితే రాసెఁడు తమకము
జవ్వనము మోవఁ జాలుదునా
చ. 3:
కాఁగిట నితనిఁ గలసితి నిందుకు
చేఁగలు దేరెను చిత్తమిది
వీఁగఁ డితఁడు శ్రీవెంకటేశ్వరుఁడు
నీఁగని చలములు నేరుతునా
