ఈ పుట అచ్చుదిద్దబడ్డది
రేకు: 0285-2 ముఖారి సం: 09-206
పల్లవి:
ఏమిటికి వేఁడుకొనే వింతలోఁ దమకించేవు
కామించి నీ వాడినట్టు కాదంటినా
చ. 1:
మచ్చరములెల్లఁ దీరె మంతనాన నీవు నాతో
యిచ్చకము లాడితేనె యియ్యకొంటివి
కుచ్చి కాఁగిలించి నాచెక్కులు నొక్కే వేమిటికి
నిచ్చలు నీచెప్పినట్టు నేఁ జేయనంటినా
చ. 2:
ఆనలెల్ల విడిచితి నంటఁబట్టి నీవు నాకు
తేనెమోవి యిచ్చితేనె తిరమైతివి
పూనిక నా కొంగువట్టి పొంచి యాలపెనఁగేవు
వూని నీతో పొందులు నే నొల్లనంటినా
చ. 3:
మంకు లన్నియుఁ దొలఁగె మనసుమర్మములంటి
సంకెలు దీరిచితేనె సమ్మతించితి
కొంకక శ్రీవెంకటేశ కూడి యింకాఁ బొదిగేవు
పొంకమైన మీఁదాఁ దప్పులు వట్టేనా