ఈ పుట అచ్చుదిద్దబడ్డది
రేకు: 0284-4 శ్రీరాగం సం: 09-202
పల్లవి:
ఇటువంటి నీ భాగ్య మేమని చెప్పుదుమమ్మ
తటుకనను నీపతితపము లీడేరె
చ. 1:
చెక్కుల మకరాంకము జిగిఁగన్నుల మచ్చములును
మిక్కిలి శంఖము మెడను మీఁగాళ్లఁ గచ్చపములు
చిక్కని నీరూపఁపు సింగార జలనిధికిని
నెక్కొని తామొనరి నవనిధులాయఁ గదవే
చ. 2:
వదనమునఁ బద్మంబు వరము కుచగిరులకును
అదె దంతములఁ గుందము లలకము లనిలములు
అద నెరిఁగి నిలిచి నీయవ్వనపు జలనిధికి
పొదిగి నవనిధులగుచుఁ బొడమె నదె కదవే
చ. 3:
కాఁగిటను శ్రీవెంకటగిరి ముకుందంబు
మూఁగిన వరము లెల్ల ముంగిటందు
చేఁగమీరిన రతులచెమట లను జలనిధికి
ఆఁగి యిటు నవనిధులు నాయఁ గదవే
