ఈ పుట అచ్చుదిద్దబడ్డది
రేకు: 0253-6 భూపాళం సం: 09-018
పల్లవి:
మూలనున్నవారి మమ్ము ముంగిటవేసీఁగాక
జోలి దవ్వీఁగాక నే సోదించఁగలనా
చ. 1:
వెన్నెలలె యెండలంటా వేగించె తనకుఁగాను
నన్ను నవ్వీఁ దనతో నే నవ్వఁగలనా
చిన్నిచెమటలవాన చిత్తడిపాలైననా
చన్ను లంటీఁ దన్ను నే జంకించఁగలనా
చ. 2:
పాయ మిది భారమంటాఁ బలికె నాతో మాట
లాయము దాఁక నాడీ మారాడఁగలనా
కాయంపుఁ బులకలచే గజిబిజియైన నాపైఁ
జేయి వేసీఁ దన కిది చెల్ల దనఁగలనా
చ. 3:
నిమిషమె యుగమై నివ్వెరగైన నన్నుఁ
దమి నడియాస ముంచీఁ దాళఁగలనా
సమరతి ననుఁ గూడె జంట శ్రీ వేంకటపతి
కమలపుటింతి నింతేఁ గాదనఁగలనా
